Thung ka sorkar da ka Committee ban tohkit halor ka tdem ki karkhana thang dewiong

Shillong, Risaw 12: U Myntri ba dei peit ïa ka tnad khlaw u James K Sangma mynta ka sngi la ong ba ka sorkar ka la thung ïa ka kommittee kaba kyrpang ban peit ïa ka jingjaboh ka tdem kaba mih na ki karkhana thang dewiong bad ka sorkar ka dang ap ïa ka kaiphod.
Ban shu kynnoh ba ba ka don ka jingjaboh ha ka lyer kam dei kaba bha khlem da ïoh ïa ka jingpynshai na ki stad kiba dei ïa kane ka bynta katkum ka saian, ki dang ap ïa ka kaiphod bad ha dien ba la ïoh kin sa lah ban batai shai kumno ka long bad kaei kaba kidei ban leh.
Haba jubab ïa ki jingkylli u myntri ba dei peit ïa ka tnad khlaw u la ong ba um don mynta mynta ban ai ïa ki jingkheiñ katno tylli kiba la ïoh ïa ka jingbit na ka sorkar bad katno tylli kiba long beaiñ ha baroh kawei ka jylla.
Naka liang jong ka sorkar kala bthah ïa baroh ki Deputy Commissioner jong ki District kiba don ïa ki jaka thang dewiong ba lada don kiba pyntreikam beaiñ ki dei ban khang dam noh ïa ki mar dor kumba kane ka sorkar kala bthah.