Riangdo, K’lyngkot, 29: Ha kaba ïadei bad ka jinglong jingman ha ka thaiñ sepngi, ki riew rangbah jong ka shnong Nongjri ki la pynpaw ïa ka jingsngewkhia ha kaba ïadei bad ka tnad Meghalaya Energy Corporation Private Limited, namar ka jingbym lah ban pynbiang ïa ka bording.
Ki la ong ba ha katei ka thaiñ uwei u Lineman u hap ban trei haduh hynñiew phew tylli ki shnong, kumta ka shem shitom haduh katta katta namar katei ka thaiñ ka dei kaba bun tang ki khlaw ki btap. Kumta man la ka por ka don ka jingtyngkhuh jong ki tnad dieng ha ki ainar electric kaba la pynthut shisha ïa ka bording ha ki shnong ki thaw. Ki la ong ruh ba wat la utei u Lineman u ba trei ha katei ka thaiñ u trei shitom katno katno ruh, um lah satia ban pynbiang katkum ka jingdonkam jong ki paitbah.
Ka jingbym biang bording ka la pyndik haduh katta katta ïa ki paidbah nongshong shnong, kumta ki la dawa na ka tnad MeECL ba ka dei ban ai ka jingshakri kaba hun sha ki paidbah, da kaba pynbiang ki jingdonkam kumba ka dei ban long.
