Shillong, Nohprah, 01: Ka Meghalaya Peoples Human Rights Council (MPHRC) hadien ba ka la ïoh shibun ki jingujor na ki kmie ki kpa kiba phah pule ïa ki khun ki kti ha ha St. Anthony’s College, Shillong bad hadien ba ka la ïa ïoh ïa ki jingujor na ki kmie ki Kpa bad na ki pule, ka Central Working Committee (CWC) ka la rai ban pynrem jur halor kane.
“Ngi pynrem jur ïa u Principal jong ka St. Anthony’s College halor ki kam leh donbor ban pyndik ïa ki khynnah pule bad ki Kmie ki Kpa ba u mut ban pyndonkam bakla ïa kane ka College bapawnam ha ka kyrteng shimet bad leh khun khatduh ha ka kyrteng jong ka Salesian of Don Bosco (SDB),” ong u kyrwoh na u Chairman ka MPHRC u Bah Dino DG Dympep.
“Ngi dawa namarkata ba u Salesian Provincial u dei ban pynmih ïa ka hukum mardor ban weng noh mardor ïa une u Principal bad ngi dawa ïa u Archbishop jong ka Shillong Metropolitan Diociese ba un shimkhia bad pyntikna ba un thung ïa ka Church Judicial Enquiry khlem da pynslem,” la bynrap u kyrwoh.
