Khliehriat, Naitung 05 : Ban pynroi ïa ki doh um doh wah, ka Kur Suchen Bataw Unit kala theh haduh phra hajar tylli ki ki symbai dohkha hapoh ka Pung Um-Hang kawei na ki pung um kaba don ïa ka jingiathuh khana naduh ki por u mynbarim.
Ïa kine ki dohkha ka Kur Suchen ka aiti ha ka Seiñ Raij Bataw.
Haka jingpyllait Paidbah ïa kine ki dohkha haka 3 tarik Naitung la wan ban sakhilang ruh da u nongïalam jong ka KSU East Jaiñtia Hills District Samla Streamly Nongjop Suchen, haka jingdonlang u President bad Secretary jong ka Seiñ Raij Bataw.
Nalor kata la donlang ruh u General Secretary Kur Suchen Bataw Unit Ma Teimonki Suchen Palong bad ki Dkhot ka Executive Committee jong ka Kur.
Ka Kur Suchen Bataw Unit ka pynpaw ka jingsngewnguh ïa u Bah Hubert Kharbuki uba dei u Superintendent of Fisheries East Jaiñtia Hills District halor ki kam pynshlur jong u ban pynneh pynsah ïa ki Doh Um Doh Wah ha ka thaiñ Jaiñtia Hills District.
