Nongstoiñ, Lber 19: Ki paidbah nongshong shnong ka Rwiang mynta ka sngi, ki la bat noh ïa ki saw tylli ki trok kit dewïong kiba la wan pynhap mar ha M/s Shree Shakambari Ferro Alloy Private Ltd kaba don ha ka shnong Rwiang.
La ong ba kitei ki saw tylli ki trok katkum ki kot ki sla, la pyni ba la wanrah ïa u dewïong na ka jylla Nagaland ïa u ba la kit ne thep ha ka trok naduh ka 13 tarik u Lber 2025 ha kawei ka truk ba heh.
Hynrei la pyllait pat ha kitei ki trok rit ha ka shnong Boko. Hynrei dang shu wai poi noh mynta ka sngi ha katei ka karkhana na ki daw ka jingslem ba thud ki kali ha lynti, ong u nongkhmih ïa katei ka karkhana haba kren bad u nongthoh khubor.
Katba na ka liang ki paidbah ki la ong ba da lei lei kin ym shah ban rung ne mih kiei kiei kiba na katei ka karkhana, katba u trai jong katei ka karkhana um pat ïakren bniah ban ïa pynbeit ryntih bad ka shnong Rwiang.
Kumta hynne ka sngi kitei ki paidbah ki la phah mih noh mardor ïa kitei ki trok khlem da shah ban pynhap ïa u mar ha katei ka karkhana na kitei ki kali bad baroh saw tylli ki trok ki la hap ban mih noh shabar ka karkhana ryngkat u dewïong.
