Nongpoh, Rymphang 02: Tang shu poi ka por election, ki mih bun bha kita ki nong leh bha leh sbun ban leh kam isynei, ki nong ‘Samaria Ba Bha’ ban ïarap ïa ki paidbah ha ki bun rukom, ka jing mih jong kita ki nong lehbha leh sbun, ki kyrtong heh spah ne businessman ka dei tang ha ka por elekshon kiba sngewkhia na ka bynta ki paidbah, phewse ka dei ka tang ka buit ban jop elekshon ban pynbiej ïa ki paidbah ha ki bun rukom khamtam kiba duk kiba duna ka jingnang jingtip la shu pynthame lai phew jait tang ban jop election.
Ha ka por election katba pan ki ai beit tang shu phone ruh kila ai, ym tang katta haba don ba ïap briew, haba don jingïaseng ne jingkhawai la ïa knieh ban ai jingïarap bad kumta ter ter. Ki kyrtong heh spah ne businessmen ki long Nong Sammaria ba bha tang ha ka por elekshon, tang shu kut elekshon ym don eiei shuh kita ki nong leh bha leh sbun Nong Sammaria ba bha ruh kim don shuh kaba sah ïa ki paidbah tang ka lynga ka pisa bad ki jing khuslai ba ym don shuh ba ïarap kane ka shait jia tang ha ka por elekshon ha kiwei kiwei ki por ym don.
Ha ka por election ki ai lut katba kwah katba pan baroh ki kular ban leh bha ki kren ïa ka roi ka par, hynrei kum ki paidbah ngi dei ban sngew thuh ba ngi don kam ïa ki riew pyrkhat, kiba don ka jing nang jingtip bad shemphang, kiba don ka sur ban kren ban ïasaid hapoh assembly na ka bynta ki jing eh jong ki paidbah, ngi donkam ban jied ïa ki nongmihkhmat kiba lah ban long kum ki nongïalam, namar ban ïalam kat ka synshar paidbah kam dei ka kam kai donkam ban jied ïa ki briew kiba don ka jing shemphang kiba ïar ka jing mut jing pyrkhat kumno ban ïalam ïa ki paidbah kumno ban saiñdur na ka bynta ka lawei ka imlang ka sahlang bad ka jaitbynriew baroh kawei, kane ka long ka kyrwoh na u Bah Albert Maring naka shnong Umdap Dumu Ri-Bhoi District.
