Shillong, Nohprah 29: U wei na ki samla ïakura ba ka Meghalaya Pro Boxing Council (MPBC) ba ka la sei, kata u ïarapborsing Kharbani u la ïoh ban wanrah nam sa shi sien pat ïa ka Jylla da kaba khur namjop na ka rynsan ïakura Indian Boxing council kaba la long ha Delhi ha ka 25 tarik Nohprah, 2023.
Ha katei ka jingïakhun, u ïarapborsing Kharbani u la ïakynduh pyrshah ïa u Sahil Chauhan-rangïakura ba na Rohtak Haryana, u bym pat shym la shah rem bad bat ïa ka rekod da 3 sien namjop ha rynsan Pro Boxing.
Ha kane ka jingïakhun la sakhi ïa ka jingtbit bad jingkhlaiñbor jong u samla ïarapbor ha kaba u la donkam tang 28 sekon ka por ha ka wat ba nyngkong ban pynkyllon khram ha madan ïa tei u rangïakura ka liang pyrshah kaba la pynlong ïa u referee ban pynsangeh ïa ka jingïakhun.
Khyndiat haba phai sha u samla Iarapborsing Kharbani, khun jong ka Kong Ibadaris Kharbani ba shong ba sah ha 4th mile (Pynthor) Upper Shillong, u la ïoh ban kyntiew 2 sien ki namjop na ki 3 sien ïakhun kiba ladep ha rynsan ïakura Pro Boxing.
