Tang da u screw driver plie bad tuh ïa kali u Mawphor, khang kdong ki Pulit hajan jingkieng Damsite

Shillong, K’Lyngkot 04 : Ka kali jong u Mawphor ka la lait salit na ka jingshah rong tuh ha ka step sngi Palei na phyllaw ïing kaba don ha Mawlai Mawiongrim.
Kane ka la jia ha ka por 3.30 baje mynstep ha ka por ba ka pyrthei mariang ka dang kynjah bha.
Hynrei jïa ryngkhat ba ha katei ka por don kiba ïohi bad pyrta bad mardor khlem pynslem la ïa kthong bad beh bad la ïoh ban khang kdong noh ïa ka kali ha khmat jingkieng dam da ka jingkloi bad ïarap borbah jong ki pulit traffic branch jong ka Mawlai Police Station
Utei uba tuh ïa katei ka kali udei uba la rangbah bha bad u la kam ba u kyrteng u Dilip Das na Bongaigaon na Assam.
Utei u rangbah u la pyndonkam tang da u screw driver ban plie ïa ka jingkhang kali bad ban pyntyllun ïa ka.
Hadien kane na ka liang ki pulit ka Mawlai ki la rah noh ïa utei u rangbah sha Police Station ban pynlong ka jingtohkit bniah.