Shillong Naitung 01: Ka sorkar jylla ha u snem 2022-23 ka la ïoh ban lum khajna na ka kyiad T362.36 klur tyngka.
Kat kum ka jingïathuh u Myntri ka tnad Excise u Bah Kyrmen Shylla, u la ïathuh ba ha u snem 2023-24 na ka liang ka tnat ka khmih lynti ba ka jinglum khjna kan poi sha ka T400 klur tyngka.
“Ka jingïoh khajna ha u snem 2022-23 ka poi T362.36 klur bad mynta y 2023-24 ngi buhthong ba ngin kynjoh 400 klur ,” u la ong.
U la ïathuh ruh ba hadien ba ka wan lynshop ka jingpang Covid na ka liang ka sorkar ka la pyrshang ban pynbha ïa ka rukom lum khajna bad ong ba dei hadien kiba bun ki sienjam la lah ban tehlakam ïa ka jinglait tuh ka khajna.
U la ong ruh ba ha u snem ban wad ka sorkar ka khih lynti ban kham tam ka jingïoh khajna da ka jingset lut ïa ki thliew ki syar ba ju wanrah ïa ka jinglait tuh ka khajna.
