Shillong, Jymmang 17: Mynta ka sngi ka seng Hynniewtrep People’s Federation (HPF) ka la phah da ka jingthoh sha ka ophis jong u Deputy Commissioner jong ka Ri Bhoi District ban pan jingpynshai halor ka jingbuh dor ka ophis T.75.75 tyngka shi litar ia ka Umphniang sharak kaba dei ban sam sha ki long ïing kiba duk na kiba duk tam.
Ha dien la dep ban ai ïa katei ka shithi ban pan jingpynshai ha kaba ïa dei bad ka jingsam ïa ka Umphniang sharak ha Ri Bhoi District, U President ka seng u bah Apbor Nongrum la ong ba ïa katei ka dor la buh dor da ka ophis bad kane ka kala ktah ïa ki long ïing kiba duk.
Ka jingsam ïa ka sharak sha ki shnong ki thaw na ka bynta ki long ïing kiba duk ka long san litter shitnum ïing bad katei ka dor kaba la buh kala pynlong ïa bun ki long ïing kim lah kot bor shuh ban shim wat la ki donkam.
Ka seng ka la buh ka jingkylli katno ka jingduhnong jong ki nongsam sharak, ka jingshem jingeh jong ki paidbah ban shim ïa ka sharak, ka jingeh jong ki nongïalam shnong ban pynsngewthuh ïa ki paidbah ha ki shnong.
Na ka liang jong ka seng HPF ka dawa na u Deputy Commissioner jong ka Ri Bhoi District ba dei ban pynhiar dor noh ïa ka umphniang sharak sha ka dor kaba juh long baroh shikatta ym katkum ka dor ba la buh ha u bnai Iaiong.
