Shillong, Nohprah 28 : Ha ka snem 2022 ki BSF ki la ioh kurup tiar pynsma iwbih bad ki jaiñ haduh 3.30 klur tyngka.
Kane ka jingkheiñ ka long hadien ba ki shipai BSF ha ka taiew ba la dep ki la ïoh kurup shibun ki tiar pynbhabriew bad ki jaiñ na khappud India bad Bangladesh ha ki bynta jong ka Pyrdwah. Kine ki tiar kiba la ïoh kurup ki shongdor haduh 21,315,76 tyngka.
Kine ki tiar kidei kiba la thmu ban khaïi sha Bangladesh bad ki nongkhaïi tuh haba ki la ïohi ïa ki BSF ki la phet noh sha Bangladesh. Ïa kine ki tiar ba ïoh kurup la aiti noh sha ki Custom ha Pynursla.
Ki la ong ba kane ka jingkurup tiar khaïi beaiñ man ka por kadei ka jingpyrkhing ka rukom paharara.
