Jowai, Naiwieng 11: Ka lympung ïalehkai phutbol ha ka kyrdan ‘Super Division Football Tournament – 2024’ ba la tip kum ka “U Kiang Nangbah Memorial Trophy” jong ka West Jaiñtia District Sports Association, (WJDSA) kaba la long ha ka 11 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïalehkai ka Wahiajer kala pynliem da 4-1 kol ïa ka Shangpung Lumiawmuchai. Na ka Wahiajer la thep da u Riburom Jat (43), u Nicky o chwa Pakma (60), u Cleverson Lyngdoh (77) bad u Heimomi Dkhar (90+1). Ïa ka shikol na ka Shangpung Lumiawmuchai la thep da u Pynshrainmi S Mannar haka minit ba 14.
La pyntip ka jingïakhun ha kane ka sngi ka 12 tarik u Naiwieng, 2024 ka long hapdeng ka Sailung Ialong pyrshah ïaka Mukhla Raij SC ha ka por 11 baje mynstep.
