Jowai, Naiwieng 17: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai ha ka sngi Thohdieng ha madan Kiang Nangbah Stadium, Dongmihsngi Jowai.
Haba phai sha ka jingïakhun na ka liang ka kynhun ïalehkai jong ka Sailung Ialong kala lah ban pynliem da 5-0 kol ïa ka Shangpung Lumiawmushai, ïa ki kol na ka Sailung Ialong la thep da u Mebakynsai Pale haka minit ba 40 & 57, u Sandeep Siangshai haka minit ba 45+1, kawei la kum thep bakla da u Heibormi Sungoh haka minit ba 80 bad u Soniroi Suchiang haka minit ba 88.
La pyntip ba ka jingïakhun ban wan haka 20 tarik Naiwieng, 2023 kan long hapdeng ka Mynthong pyrshah ïaka 7 Wasa united haka por 1 baje shiteng nohphai sngi.
