Shillong, Nailur 17: Ka jingïalehkai jong ka lympung SSA U-20 4th DIVISION Football League 2023 kaba la long hynnin ka Sngi Saitjaiñ jong ka taïew ba ladep ha madan 3rd Ground, ka la kut ha kaba ki la don ar kynhun kiba la khur ïa ka namjop.
Haba phai sha ka jingïakhun kaba nyngkong hapdeng ka Iatyllilang SC kaba ïakhun pyrshah ïa ka Umrynjah SC, ka jingïalehkai ka la jam sha kaba kut ha kaba ka Iatyllilang SC ka la khur ïa ka namjop salit da shi kol.
ïa kane ka shi kol na ka bynta ka Iatyllilang SC la ïoh ban thep da u Shuwameiaki kharumnuid ha ka minit kaba 70+2.
Haba phai sha ka jingïakhun kaba ar kaba la long ha ka por 4:45 janmiet, ka Madan S&CC ka la pynjemkhnap ïa ka Lamlynti SC ban khur ïa ka namjop da 6-3 kol.
Ha kane ka jingïakhun ki la don arngut ki player na baroh arliang kiba la khyrwit ïa ka hat trick, na ka bynta ka Madan S&CC, u Emanbha Marbaniang- u dei u player ba la khyrwit lai kol, kata ha ka minit ba 3, 26 & 44. Katba u Arbandelness khongsngiïoh ban thep ar kol ha ka minit ba 10 bad 70 bad ka kol kaba hynriew na bynta ka kynhun la thep da u Phermanbha Lyngkhoi ha ka minit ba 58.
Na ka liang jong ka Lamlynti SC ïa baroh lai kol la thep da u Pynshe Kyllait (22, 50 & 70+2min).
