Shillong, Jymmang 31: Ka Nongkseh United FC ka la khur ïa ka jingjop da 4-0 ha ka jingïalehkai jong ka Group D pyrshah ïa ka Nongpiur SC ha ka lympung U-20 Fourth Division Football League 2026 jong ka Shillong Sports Association, kaba la long ha ka sngi Saitjaiñ.
Ka Nongkseh United ka la pynskhem ïa ka jingjop da kaba pynkhihjar lai sien ha ka kylla step lyngba u Wanshailang Lyngdoh (18’min), u Stevenson Dkhar (27’min) bad u Dakermame Nongsteng (31’min). Nangta u Samphrangshai Rani (42’min) u la thep ïa ka kol kaba khatduh ha kane ka jingïalehkai kaba 80 minit.
Kin don lai tylli ki jingïalehkai ha kane ka sngi Nyngkong bad baroh kin dei jong ka Group E. Ha ka por 1 baje mynsngi ka Mawnianglah Youth SC kan aireng pyrshah ïa ka Umiew SCO ha SSA Stadium, nangta ka Diengpasoh SCC pyrshah ïa ka Summit Football Academy (por 4 baje nohphai sngi) ha SSA Stadium, ka Sei La Sap SCC pyrshah ïa ka Laitkroh SC (por 4 baje nohphai sngi) ha MFA Ground.
