Shillong, Naitung 16: Lai tylli ki kynhun ba kynthup ïa ka Madanryting SC, Raitsamthiah SC bad ka Nongkolew SC ki la khur jingjop ha ki jingïalehkai ka lympung Shillong Sports Association Fourth Division 2024 kiba la long hynne ka Sngi Hat Majai, ha SSA Ground-Polo.
Ha ka jingïalehkai kaba nyngkong, la sakhi ïa ka Madanryting SC kaba la jop da 5-2 kol ïa ka Lumpyngngad SC, bad ka jingïaroh ka long sha u Arki Kshiar u ba la khyrwit da ka hat trick (35+1, 57 & 69 minit) ban ai mynsiem ïa ka kynhun ban khur ïa ka jingjop. Katba ar tylli ki kol la wan na u Modern Pyngrope (41min) bad na u Annand Kharkongor (52min).
Ki ar kol ïa ka Lumpyngngad la thep da u Ioanis Sangma (15 min) bad na u Ruby Daimary (70+1min).
Ha ka jingïalehkai kaba bud, ka Raitsamthiah SC ka la pynjemkhnap ïa ka Lumkseh SC da 4-1 kol.
Na bynta ka Riatsamthiah kien ki saw kol la wan lyngba u Wanphrangjingshai Shabong (12min), nangta u Jonewest Mawiong u ba la thep ar kol (44 & 69 min) bad kawei ka kol kaba la kum thep hi da u Pain Mawrie (66 min). Ka shi kol ïa ka Lumkseh SC la thep da u Borsing Marboh (5 min).
Ha ka jingïakhun kaba khadduh, ka Nongkolew SC ka la pynliem da 2 kol ïa ka Laitumkhrah SC. Kine ki kol la wan na u Pynshai K wanniang (11min) bad na u Pynshngaiñ Mujai (25min).
Ki jingïalehkai mynta ka sngi kan sdang naduh ka por 11:30 baje mynsngi, ha SSA Ground- Polo, ha kaba ka Umrynjah SC kan ïakhun pyrshah ïa ka Thynroit SC.
Ka jingïakhun kaba ar ha ka por 1:45 baje mynsngi, hapdeng ka Mawklot SC pyrshah ïa ka Pynthorbah SC bad khadduh ha ka por 4 baje nohphai sngi, ka Them Rangshken ACC kan ïakhun pyrshah ïa ka Laitkroh SC.
