Shillong, Nailar 23: Ka Marbisu SC bad ka Madan SCC ki la jop ïa la ki jong ki jingïalehkai jong ka lympung Second Division Football League 2026 ba la pynïaid da ka Shillong Sports Association, kiba la long ha ka sngi Saitjaiñ ha Polo.
Ka Marbisu ka la pynthikna ïa ka jingjop da 3-2 da kaba pynkhihjar ha ki minit pynjlan ba khatduh ha ka jingïakhun kaba jur bha pyrshah ïa ka PFR FA.
Ka Marbisu ka la thep shuwa ar tylli ki kol ha ka kylla step lyngba u Banshailang Kurbah (19′) bad Parianhlang Kharshiing (33′) hynrei ka PFR ka la ïohlad ban pynïakhaid ha baroh ar tylli ki khep lyngba u Frankystar Shabong (28′) bad u Banjiedlang Khongsit (45′). Hynrei ka kol ha ka khyllipmat ba khatduh na u Redeem Sawkmie (90’+2) ka la rai ïa ka jingjop na ka bynta ka Marbisu.
Ha ka jingïalehkai kaba bud ka Madan SCC ka la mad ïa ka jingjop da tang 1-0 kol pyrshah ïa ka Lumshyiap SC. ïa kane ka kol la thep da u Mebankhraw Mawlieh (46′)..
Ki ar tylli ki jingïalehkai ha kane ka sngi Nyngkong; ha ka por 12:30 baje mynsngi ka Nongrah SC kan aireng pyrshah ïa ka Mawpat SC ha SSA Stadium, nangta ha ka por 1 baje mynsngi ka Umphrup SC kan ïakhun pyrshah ïa ka Mawkriah West, ha MFA Ground
