Shillong, Rymphang 21: Ka Malki SC ka la khur jingjop ha ka jingïakhun kaba long pyrshah ïa ka Mylliem SC ha ka lympung phutbol 1st DIVISION Football League 2023-24 ba la pynïaid da ka Shillong Sports Association hynne ka sngi ha madan SSA Ground, Polo, por 2:45 baje nohphaisngi.
Ka kynhun Malki SC ka la pynliem da 3 – 1 kol ïa ka Mylliem SC ban khur ïa ka jingjop.
Haba phai sha ka jingïakhun, dei ka Mylliem SC kaba la ïoh ban pynkhihjar nyngkong lyngba u JanHameshwa Marngar ha ka 11 minit jong ka kylla step, hynrei ka Malki SC ka la ïoh ban pynïakhaid na u Maxcimilando Tariang ha ka 27 minit shuwa ba u PynKhlain Nongrum un thep ïa ka kol kaba ar ha ka minit ba 35.
Ban pynthikkna ïa ka namjop, u Maxcimilando Tariang u ba la ïoh ban pynïakhaid na bynta ka Malki, u la pynbud sa ïa ka kol kaba lai ha ka 40 minit.
