Nongpoh, Naiwieng 23: Shibynta ban wanrah ki kam pynroi hapoh ka district khamtam ban dang kyntiew ïaka pule ka puthi bad kiwei kiwei lyngba ki kam pynroi, ki bor district jong ka Ri-Bhoi lem bad ka North East Transmission Company Limited (NETC) mynta ka sngi kila soi syndon da ka Memorandum of Understanding (MoU) naka bynta u snem 2023-24.
Ïa katei ka MoU la soi hapdeng u MB Tongper Additional Deputy Commissioner ka Ri-bhoi District lem bad u Anil R. Sah bala wan mihkhmat naka NETC haka jingdonlang u Raja Brahma Additional Deputy Commissioner bad Project Director DRDA, u Sh. Niranjan Rabha Asst. Manager-Projects, NETC bad kiwei kiwei.
Ïa ki kam pynroi yn wanrah lyngba ki skhim Corporate Social Responsibility (CSR) jong u snem 2023-24 bad lyngba katei ka MoU bala soi ha katei ka sngi kan long ruh ka jingplielad ïaka district ba kan pdiang ïaki project bad ki kam pynroi bapher bapher.
Kum ban shu kdew ba lyngba katei ka CSR la lah ruh ban ai ïaka Computer Lab sha ka skul Pahambir LP School ban dang pynïar ïaka shlem pule lyngba ki kor computer, bad kumjuh ruh ka jingshna ïaki jingker surok ha Umsohpieng bad lyngba katei ka MoU ka NETC ka dang thrang ruh ban kyntiew ïaka pule ka puthi bad ki kam pynroi haka district.
