Nongpoh, K’lyngkot 25: Ka Ri Bhoi District Congress Committee mynta ka sngi ka la shim ïa ka kabu ban ai khublei kyrpang sha baroh ki paidbah ka jylla bad ka Ri Bhoi khamtam halor ka jingkyrshan jongki ban wan kyrshan ne ai mynsiem halor ka jingwan iuh kjat u Rahul Gandhi, kaba dei halor ka thong jong ka Bharat Jodo Nyay Yatra kaba la dep ban long ha ka 22 tarik u Kyllalyngkot 2024 ha Madan Pahamsyiem ha Nongpoh.
Haba kren sha ki lad pathai khubor mynta ka sngi, u President ka Ri Bhoi District Congress Com-mittee, u Bah Charles Marngar bad u Dr. Celestine Lyngdoh, MLA ka Umsning bad uba dei ruh u president barim ka MPCC, ki la ong ba kum ka party Congress ki dap shisha da ka mynseim jong ka jingkmen halor ka jingwan kyrsha ki paidbah ha ka jingwan poi u Rahul Gandhi, namar dei ka jingkyrshan ki paidbah ba katei ka jingïalangbah ka jingwan u Rahul Gandhi ka la long kaba jop.
Ki la ong ruh ba ka party congress ka ai khublei ym tang ïa ki paidbah kiba la kyrshan borbah ban pyni ba ki dang don ka jingieit ïa ka party congress, hynrei ka party ka ai khublei ruh naduh ki nongïalam ka MPCC ha ka jingïalam u Bah Vincent H. Pala kum u President bad MP, ïa ki nongïalam ki Mahila, ki Youth Assembly, ki NSUI bad baroh ki nongtrei bad ki nongïalam ka party ha kaba dei lyngba ka jingtrei shitom jognki, ba katei ka jingwan iuh kjat u Rahul ha Nongpoh ka la long kaba jop.
Ki la ai khublei krypang ruh ïa ka Dorbar Shnong ka Pahamsyiem kiba la ai jaka ban pynlong ïa katei ka jingïalang, ka jingkhublei ka leit ruh sha ka ophis u Deputy Commissioner bad ka ophis u SP ka Ri Bhoi lyngba ka tnad Traffic, kiba la ai ïa ki bor pahara ba katei ka jingïalang ka la long kaba jop khlem da don kano kano ka huri hura, hynrei ki paidbah ki la ïa snoh kti lang ban pynpaw ïa kata ka mynsiem jong ka jingïatrei lang na ka daw ban sngap halor ki mat ki jura ba u Rahul u la wan ban kren katkum ka thong jogn ka Bharat Jodo Nyay Yatra.
Ki nongïalam ka Congress ki la ai khublei kyllum ruh ïa baroh kiba la donkti ban pynlong ïa ka sngi kaba jop bad kum ka party ruh ha ka jingïalam u Rahul kin dang ïaid shaphrang ban ai ka jingshakri kaba bha tam ïa ki paidbah.
