Shillong, Jylliew 9: Ka United Democratic Party (UDP) kala pynpaw ka jingsngewlem halor ka jingkhlad noh u Bah H.A.D Sawian, uba dei u General Secretary ba nyngkong eh jong ka party uba dei ruh u ba don lang naduh ka por ba seng ïa ka party ha u snem 1997.
Katkum ka kyrwoh na u President ka party u Bah Metbah Lyngdoh u la pynpaw, Kum u General Secretary u la shakri da ka jingaiti lut ha ryngkat bad ka jingstad bad ka jingshemphang na ka bynta ka seng riewlum bad ka jingkhmih lynti ki paidbah ka jylla Meghalaya.
Hapoh ka jingialam jong u, u la lah ban pynwan dur ïa ka pateng ki nogtrei ka party bad u la long kum ka nuksa ban shakri ia ka party bad ïa kane ka ri.
U long u briew uba ieng skhem ha ka nongrim bad ha kip or kiba rim u la trei shitom ban kyntiew ia ka party bad kane ka jingle jong u kala ai mynsiem shi katdei eh ia ki nongtrei ka party.
Halor ka jingkhlad noh jong u, ka United Democratic Party kala duh noh ïa u nonglam lynti bad ka party kala phah ruh ïa ka khubor sngewlem sha ki ba ha ïing jong u Bah Sawian.
