Shillong, Nailar, 25: Ka Federation of Khasi Jaiñtia and Garo People (FKJGP) East Jaiñtia Hills ka pynpaw ïa ka jingsngewsih kaba khraw tang shu ïoh jingtip ba u samla Kynjaimon Amse uba dei ruh u muktiar ba pawkhmat ka District ula khlad noh na kane ka sla pyrthei ha ka jingjia aksiden ha ka shnong Dkiah West.
Kane ka jingkhlad khlem poi pyrkhat ka la long ka jingduhnong kaba khraw bha ïa ka thaiñ, ka ri bad ïa ka jaitbriew baroh kawei namarba u dei u briew uba ju don bynta ban ïakit ïabah bha ïa ki jingeh jong ka jaitbynbriew bad u dei ruh u briew uba sngewrit bha, u briew u bym lah shah ban shu peitkai lada ka jaibyntbriew ka shah iuhroit. Ka seng bad ka thaiñ hi baroh kawei kan ym klet ïa ki dienjat babha jong phi samla Kynjaimon Amse, la ong u kyrwoh ba la phah da u Information Secretary u Bah Michal Chyrmang. Ka seng ka phah ruh ïa u kyrwoh khubor sngewlem sha ka shnong Umkiang bad sha ki bahaiing hasem jong u samla Kynjaimon Amse ba u Blei un pyntngen ha kum kane ka por ba u lyoh badum u la kah ïa ka ing ka sem baroh kawei.
