Nongstoiñ, Jymmang 05: Ka West Khasi Hills Boxing Association ka ai khublei kyrpang ïa ka Meghalaya Boxing Association, kaba la pynlong ïa ka Annual State Boxing Championship, na ka bynta ka jingnang kyntiew ha ki kam ïa kura hapoh ka jylla baroh kawei.
Ka WKHBA jingïaroh ïa ki nongïalehkai ïa kura sha ka lympung Annual State Boxing Championship, kiba la shimbynta naduh ka 27 tarik haduh 30 tarik Ïaiong 2026 ba la pynlong da ka Meghalaya Boxing Association.
Kumjuh ka West Khasi Hills Boxing Association ka ai khublei kyrpang ïa ki kmie ki kpa kiba la ai jingkyrshan radbah sha la ki khun ki kti shynrang bad kynthei, ki nongkhur tama ha ka Annual State Boxing Championship kaba la pynlong ha madan Basketball Court Mawlai Mawroh Shillong ha u bnai ïaiong 2026.
Ki nongkhur tama na West Khasi Hills District ki long, ka Esawanbiang Nongsiej Gold, Victory Lyngdoh Mawnai Gold, Ibanpynsuk Thabah Bronze, Maitphang Mawsor Bronze bad Wallamkupar Kharbani bronze.
Ka kynhun ka ai burom ïa ka jingïakhun bha ki khynnah ïa kura kynthei bad shynrang, nangta ïa kito nongïashimbynta ki bym shem la poi ha ka thong, ba kin nang trei shitom nangne shakhmat.
Ka WKHBA ka ai khublei ïa kiba haïing ka sem kiba la ai jingkyrshan ïa la ki khun ha ki kam ïalehkai boxing. Ka kyrwoh ka ai khublei kumjuh sha ki nongpynïaid jong ki skul ki college bapher kiba la kyrshan ïa ki khynnah pule ha ki kam ïalehkai sports.
Ka jingwanrah nam wanrah burom da ki tama ksiar tama rupa bad ka rnong, kan long bynta ka burom ka thaiñ bad ka jylla hi baroh kawei, ong ka kyrwoh na u bah Despitol Sun President WKHBA.
