Nongpoh, K’Lyngkot 27: Kum ka jingsnohkti lang bad ka ri baroh kawei ban rakhe ïa ka Republic day kaba 75 jong ka Ri India, ki bor pyniaid district jong ka Ri Bhoi District hynnin ka sngi kila shimbynta ban rakhe ïa kane ka sngi kyrpang bala ioh laka jong ka Riti Synshar, ha jingrakhe ba shongkun ha NSCA Mini Stadium, Pahamsyiem Nongpoh.
Ha kane ka sngi la sakhi ruh ïaka jingshim bynta shitrhem da ki paidbah ka district, ki khynnah skul naki skul bapher bapher ha kaba u Bah Prestone Tynsong Symbud Myntri Rangbah ka jylla u la wan ban shim bynta kum u kongsan ban pynher ïaka lama lai rong jong ka Ri bad ruh ban shim ïaka Salute haka jingïaid March Pass bala shim bynta da ki pulit bad ki khynnah skul.
La sakhi ruh ha katei ka sngi da ka jingdonlang u Bah Mayral Born Syiem MLA ka Nongpoh, Bah Balajied Ranee MDC ka Nongpoh, u Arpit Upadhyay Deputy Commissioner ka Ri-Bhoi, u Jagpal Singh Dhanoa Superintendent of Police ka Ri-Bhoi bad kiwei kiwei ki ophisar naki tnad sorkar bapher bapher bad la pynshit pynshngaiñ ruh ha katei ka sngi da ki jingrwai bad jingshad bala shim bynta da ki khynnah skul bapher bapher.
La pyninam ruh ïaki Tableu jong ki tnad sorkar bapher bapher ha kaba ka tnad Fisheries kala ioh ban rah ïaka nam lahduh, kumjuh ruh napdeng ki nongshimbynta ha ka parade, ki khynnah kynthei ka JNV Niangbari ki la khur ïa ka khusnam ba nyngkong, bad ha ka Cultural Program ka skul JNV Niangbari kala long kum ka lahduh nalor ki khusnam bala sam sha ki nongtrei ka tnad ka koit ka khiah.