Shillong, Nailur 09: U Symbud Myntri Rangbah ka jylla, u Bah Prestone Tynsong uba long ruh u MLA jong ka Pynursla mynta ka sngi u la kem pang kynsan kynsan bad la hap ban rah phah sumar ha Nazareth Hospital, Shillong.
Ki khubor ki ïathuh ba u Bah Prestone mynta u don hapdeng ka jingpeit jingsumar ki Doktor ha kamra ICU. Ki Doktor kane ka Hospital ba pawnam jong ka jylla, ki ïathuh ba ka daw ba u Nongïalam ka Seng NPP, u la ïoh pang kynsan kadei namar ka jingkiew palat ka Blood Pressure ha kaba ka la kylla long kum ka jingpang Stroke ka bym da jur than ne ka mild stroke.
Kane ka jingïoh pang kynsan uwei na ki Symbud Myntri Rangbah, ka long tang hadien khyndiat sngi hadien ka jingïoh pang kynsan u Myntri Rangbah ka jylla, u Conrad Sangma uba la hap ban leit shah sumar ha Civil Hospital Shillong bad hap ban pep ruh katto katne snggi na ka Dorbar Synrai.
Katkum ka jingïakren bad kiba haïing ha ka por 10:30 mynmiet, ki la ïathuh ba u Bah Prestone u don mynta hapdeng ka jingsumar bad jinglong ne ka condition jong ka jingkoit jingkhiah ka long stable ne kam don kano kano ka jingma.
