Shimti u myntri Shanpru ban khmih ïa ka ïew ka hat bad 2 ngut ki Myntri ïa ka Trade

Shillong, Jylliew 09: U Acting Syiem ka Hima Mylliem u Paiem Alban Pedrick Syiem u la bhah kam ïa ki katto katne ki Myntri ki ban shimti ïa ka kam hapoh ka Hima Mylliem bad kine ki Myntri kin peit ruh ïa ki kam ki jam jong ki tnat bapher bapher hapoh ka Hima katba ka kam synshar jong u Paiem Alban kan dang neh.
Ki tnat treikam kiba u Paiem Alban Fedrick Syiem u la bhah sha ki myntri ki long, ïa ka tnat Finance yn khmih da u Basan Nongkseh, u Myntri Kharpan bad u Acting Syiem, ïa ka tnat Market yn khmih da u Myntri Nongneng Shanpru, ïa ka Forest la khmih da u Myntri Nongkhlaw, Myntri Khar-ir.
Katba ïa ka tnat Elaka yn khmih da u Myntri Nongneng Shanpru bad Myntri Nongkhlaw, ïa ka Land yn peit da u Basan Nongkseh bad Myntri Nongkhlaw, ïa ka Excise u Myntri Sohsla, Myntri Kharbteng, ïa ka Trade Myntri Sohsla, Myntri Kharbteng, ïa ka Sanitation da u Lyngdoh Mylliem bad Myntri Sohsla.
Ïa ka kam Transport la bhah ban khmih da u Lyngdoh Mylliem bad Myntri Sohsla, ïa ka Development la bhah sha u Myntri Kharbteng, Basan Nongkseh bad da u Acting Syiem, ïa ka GAD la bhah sha u Basan Nongkseh, Myntri Kharpan bad Acting Syiem.
Katba ïa ka Law & Order la bhah sha u Myntri Nongkhlaw ne Myntri Nongneng Shanpru, ïa ka kam Arts and Culture la bhah sha u Basan Nongkseh bad Myntri Sohsla, ïa ka Ïew Bhoi la bhah sha u Myntri Kharbteng, ka Ïew Masi da Basan Nongkseh, Myntri Kharbteng, ïa ka Water Supply da u Myntri Sohsla, Myntri Kharbteng bad Judicial da u Acting Syiem, Myntri Nongneng Shanpru bad Myntri Nongkhlaw.