Nongstoiñ, Nailar 26 : Na ka bynta ban pynthikna ba ki nongshong shnong jong ka West Khasi Hills kiba don jingthut ha ki dkhot met ki dei ban ïoh jingïarap na ka sorkar ka ophis jong ka DCRDA Civil Hospital Nongstoiñ ha ryngkat ka jingïatreilang bad ka ophis jong ka District Social Welfare Officer ha kane ka sngi balang ka 26 tarik Nailar ka la pynlong ïa ka prokram ba kyrpang ha kaba ka la kHot lang ïa kiba don jingthut ha ki dlkhot met kiba shong ha kylleng ki shnong hapoh ka district.
Ha katei ka sngi kumba saw spah ngut kiba thut dkhot met ki la poi na ka bynta ban phah peit bniah ïa ka jinglong jingman jong ka jingkoit jingkhiah jong ki bad ba ki doctor kin pynshisha ba ki dei hok ban ïoh ïa ki jingïarap na ka sorkar. Ha katei ka sngi la ïoh ban pynrung kyrteng haduh saw saph phraphjew ngut ki nongshong shnong kiba don jingthut ha ki dkhot met. Na kitei ki saw spah phraphew ngut ki don kumba arspah ngut ki ba thut dkhot met kiba la pynshisha lyngba ki syrnot ba iki dei hok ban ïoh ïa ki jingïarap na ka sorkar.
Na ka liang ka kong D.Pakynteiñ District Social Welfare Officer West Khasi hills ka la kyntu ïa ki nongsynshar shnong, ki Aaganwadi workers bad ki ASHA ba kin sngewbha ban ïatreilang bad ka ophis jong ka DSWO bad ban peit bniah ï kiba don jngthut ha ki dkhot met kiba dei na ki shnong jong ki bad ki dei ruh ban p[ynthikna la ki lah dei hok ne em ban ïoh ïa ki syrnot kiba dei halor ka jingthut dkhot met jong ki.. Kia la kyntu ruh ba lada don ki don ki dei ban pynthikna ïa ki kyrteng jong ki ryngkat ki kmie ki kpa khnang ba lada ki wan mih hapoh ka ophis na ka bynta ki jingdon kam jong ki ka ophis kan kham suk ban leh ïa ki bynta ba don kam.
