Shillong, Ïaiong 27 : Ka Grace Covenant English School, Umksih Umsning, Ri Bhoi District ha ka 26tarik mynta u bnai ka la pynlong ïa ka jingïalang jong ki kmie ki kpa bad ruh ka jingai jinghikai ba shisngi ïa ki nonghikai.
Ha kane ka sngi la donlang ruh i Executive Member ka KHADC, Kong Aibandaplin Lyngdoh kum i Kongsan, i ba la pruid dak ïa ka jingtrei minot jong baroh ban kyntiew ïa ka jingnang jingstad khamtam ha ki shnong ba dang donkam eh.
I Rangbah Shnong Bah R Mawlong i la long i Symbud Kongsan, i ba la ai ka kti kamon kadiang ban kyntiew ïa ka shnong bad kyrpang ïa ka pule dangle.
Na ka liang i Bah TR Diengdoh ba dei i Block Mission Coordinator SSA i long i nongïasyllok ba kongsan ha kane ka sngi. Ïa ka jingïalang ha kane ka sngi la pynïaid da i Bah F Nongrum President ka Managing Committee katba ïa ka jingkren ai jingkhublei la ai da i Dr H. Ïangrai, Secretary jong ka Managing Committee.
