Shillong, Risaw 2 : Kum shi bynta ban ïashim bynta ha ka Swatchhata Hi Seva ne ka prokram pynkhuid shnong, ïing bad ophis ba la pynbna da u myntri rangbah duh ka ri u Narendra Modi, ki pulit jongka East Khasi Hills ruh ki la ïashim bynta naduh ka 1 tarik bad 2 tarik ban pynkhuid ïa ki ophis treikam jongki, ïa ki phyllaw ophis, ïa ki Police Station bad Out Post .
Ka jingpynkhuid ka long da ka mynsiem ba shitrhem bad la ïashim bynta ruh da baroh ki pulit ka District ha la ki jong ki jong ki jaka treikam jogki.
La pynlong ruh ïa ka jingbatai pynshai kumno ban long kiba lehkhuid khamtam ban ïada ïa ka mariang da kaba ym bit ban bret pathar ïa ki plastic sha baroh ki bor pulit bad kiba haïing hasem jongki.
Kane ka long kat kum ka jingpyllait khubor na u SP ka East Khasi Hills bah S Nongtnger.
