Shillong Premier League: Pynjemkhnap ka Lajong ïa ka Nongthymmai, ïoh kyrwit lai kol u Babysunday

Shillong, Kyllalyngkot 20: U Babysunday Marngar ka Shillong Lajong, u la lah ban tyngshaiñ ïalade ha ka jing-ïalehkai hynne ka sngi Nyng-kong da kaba khyrwit ïa ka hat-trick na bynta ka Shillong Lajong FC bad ban pynjem-khnap haduh 6-1 kol ïa ka Nongthymmai SC ha ka lympung OC Blue Shillong Premier League 2024 ha madan 1St Ground – SSA Stadium Polo.
U Babysunday (20’, 40’, 60’) ula lam lynti ïa ka Lajong, katba u Firstborn Roy Khongsti (22’), Yohaan Benjamin (32’) bad u Emanbha Marbaniang (63’) ki la ïoh ban pynkhihjar mar kawei.
Kumban shu kdew, kane ka dei ka jingïalehkai ba khatduh jong ka wat ba nyngkong (first leg) na bynta baroh arliang bad ka Lajong ka la pynkut da kaba kamai 22 poiñ na ki hynñiew sien ki namjop, ïakhaid bad rem shi sien. Katba ka Nongthym-mai ka dang ïaineh da 7 poiñ da kaba jop ar sien, ïakhaid shi sien bad rem hynriew sien.
Haba bishar ïa ka jingïaleh-kai, lah ban kdew ba ka Lajong ka la pynthikna ban khur pura shalade ïa baroh 3 poiñ da kaba lamkhmat lypa haduh 4 kol tang ha ka kylla step, ba kyn-thup ïa ki ar kol jong u Baby-sunday (20’, 40’min), Firstborn (22’) bad na u Yohaan (32’).
Ha ka 52 minit jong ka kylla miet ka Nongthymmai ka la ïoh ban pynphai shi kol lyngba u Donald Tariang shuwa ba ka Lajong kan pynkut da kaba pynbud sa ar tylli ki kol, ba kynthup ïa ka kol kynjoh hat trik jong u Babysunday ha ka minit ba 60 bad kaba khadduh na u Emanbha (63’).
Mynta ka sngi ka jingïaleh-kai ba khatduh jong ka first leg hapdeng ka lahduh ba rim ka Mawlai SC pyrshah ïa ka Sawmer SC ha ka por 2 shiteng nohphai sngi.