Jop ka Inningstar Laitumkhrah ha ka SCA Cricket League 3rd Division

0

Shillong, Kyllalyngkot 20: Ka Inningstar Laitumkhrah ka la ïoh ban khur ïa ka jingjop ha ka jingïalehkai ka lympung Shillong Cricket League Third Division ba la pynïaid da ka Shillong Cricket Association da kaba pynliem ïa ka Youth Star CC da 7 wiket.
Ka jingïalehkai ka la sdang ha kaba ka Inningstar Laitumkhrah ka la jop ïa ka toss bad aiti ïa ka Youth Star ban tied nyngkong. ki nontied ka Youth Star  ki la lah ban kynjoh 140 ron haduh kaba kut jong ka 20 over ba la mang bad khyllem 9 wiket.
Napdeng ki rangïalehkai kiba la kamai bun ron ki long u Suraj Sharma (37 ron naki 31 bol) bad u Ridhab raj Mali (27 ron naki 19 bol). Haba phai pat sha ki rangkawangbol u Suraj Chettri u la khur 2 wiket naki 4 over bad shah tied 18 ron, nangta u Ajay Biswa u la khur 2 wiket naki 4 over bad shah tied 30 ron.
Haba jubab ka la donkam tang 18.4 over ïa ka Inningstar Laitmukhrah ban kynjoh ïa ka 141 ron bad khyllem tang 3 ngut ban jop ïa ka jingïalehkai da 7 wiket. Na ka liang jong u Adarsh kr Tiwari u la khur 2 wiket naki 4 over bad shah tied 28 ron.
Na ki nongtied u Shailang Lyngdoh u la kamai 37 ron naki 37 bol, hynrei ka namtam ka long sha u Akash Kumar u ba la tied 42 ron naki 35 bol ban khur syndon ïa ka nam Player off the match, ha kaba ka Inningstar Laitumkhrah ka la jop ïa ka jingïalehkai da 7 wiket.

Leave A Reply

Your email address will not be published.