Jowai, Naitung 04: U Myntri ka sorkar jylla ka tnad pule puthi bad uba dei MLA ka thaiñ Ma Lahkmen Rymbui ula noh synñiang Shilak tyngka sha ka Amwi Higher Secondary School, Thangbuli ka lahduh haka lympung ïalehkai District Level Inter School Subroto Mukherjee Cup Football Tournament 2026 ba la pynïaid da ka ophis District Sports Officer, West Jaintia Hills.
Ka Amwi Higher Secondary School, Thangbuli ka la long ka lahduh hadien ba kala jop ïaka Sawlyngdoh Higher Secondary School, Mowkaiaw da 1-0 haka jingïakhun phainal kaba la long haka 3 tarik Naitung.
Ïa kane ka song pisa la aiti haka jingïalang lyngkot kaba la long ha phyllaw ka skul haka jingdonlang ki nonghikai, ki nongïalam bad dkhot nongkitkam shnong haka 4 tarik Naitung, 2026.
Haba kren u ma Lahkmen ula pynshlur ïaki ban don ka thong ban ïoh ïaka jingjop ymtang haki lympung ialehkai hynrei ha kino kino ki jingialeh haka jingim ka jong ki.
Ula ong kane ka jingnoh synñiang jong u kan long kum ka dak ka jingithuh ïa u soh ka jingjop bad ruh ban kyrshan ïaka jinglut jingsep jong ka skul naka bynta ban leit ïashim bynta haka State Level Football Tournament ka ban sa long mynta u bnai ha nongbah Shillong.
