Shillong, Naitung 14: Ka khubor ba la ïoh na ki pulit la ïathuh ba u Bah Kampher Mylliemngap u la phah ka jingujor ba hapdeng ki mied jong ka 9 bad 10 tarik mynta u bnai ki runar bym lah ban ithuh ki la tuh ïa ka thuk thuk jong u kaba don u nombar ML-05Y-0420 napoh ka Ïingsah jong u kaba ha Smit Pdengshnong (EKH).
Ha kawei pat ka jingjia ki pulit ki la ïathuh ba ha ka 10 tarik mynta u bnai ha ka por kumba 9.30 baje mynmied ki nongshong shnong ka Umphyrnai (EKH), ki la ïoh bat arngut ki briew kiba la ai kyrteng Anthony Pyngrope ba la 25 snem ka rta bad (2) Marshall Sujai ba la 37 snem ka rta, ba ki la tuh ïa ki taïar napoh ka stationary vehicle jong u kaba ha Lumjingsuk, Madanrting, Shillong.
