Shillong, Naitung 14: Ka kynhun jong ki Bishop ka Ri India hapoh ka lama jong ka “Catholic Bishops’ Conference of India” ki la leit ban ïakynduh ïa u Myntri Rangbah duh jong ka Ri India u Narendra Modi ha kaba ïadei bad ka jingpynsted jong u ha kaba ïadei bad ka jingkhot ïa u khliehduh ka Balang katholik u Pope Francis.
Lah ban pynkynmaw ba dang shen u Myntri Rangbah duh ka ri u Narendra Modi ha ka jingïalang jong ki nongïalam jong ki ri ka pyrthei kaba la long dangshen u la kynduh ïa u Kpa Bakhuid jong ka Balang katholik bad u la kyrpad ïa u ban wan jngoh ïa ka ri India.
U Myntri Rangbah duh jong ka Ri India u la pyntip lyngba ka X, kane ka kynhun CBCI, ka kynthup ïa u Rev. Andrews Thazhath, Rt. Rev. Joseph Mar Thomas, Most Rev. Dr. Anil Joseph Thomas Couto bad u Rev. Fr. Sajimon Joseph Koyickal.
Kane ka jingïakynduh ka long kum ka jingburom ïa u Myntri Rangbah duh jong ka Ri India uba la shimti biang ïa ka kam kum u Myntri Rangbah duh jong ka Ri, kane ka jingïakynduh ka long ka sien kaba nyngkong hadien ba la shah jied biang kum u Myntri Rangbah duh jong ka Ri India.
