Shillong, Naiwieng 25: Ka khubor ba la ïoh na ki pulit la ïathuh ba u Bah Shemborlang Tiewsoh u la phah ka jingujor ba hapdeng ka 22 tarik ha ka por 2.30 baje mynstep bad ha ka por 3 baje mynstep, ki runar bym lah ban ithuh ki la tuh ïa ka thuk thuk jong u kaba don u nombar ML-05Z-7902 napoh ka ïingsah jong u kaba ha Mawïong Umjapung, Shillong.
Ha kawei pat ka jingjia uwei u nongshong shnong ka Shillong u la phah ka jingujor ba ha ka 17 tarik mynta u bnai, u la ïohpdiang ka jingshah phone ba la bunsien kaba ïadei bad ka jingdonkam ban wanrah ïa kawei ka ATM card, uba la kam ba udei u courier service agent bad la bthah ïa u ban install ‘Customer Care App’, ban ai ïa ka UPI registered number, UPI code bad shuh u la kyntu ïa u ban siew pisa T. 2/- ban pynpoi ïa ka ATM card.
Ha ka 18 tarik mynta u bnai, uwei u briew u la phone biang ïa utei uba la ujor bad kyntu ïa u ban leh biang ïa kajuh ka kam; hynrei hadien ba u la sngewsuba utei uba la ujor u la leit sha Post office ban shim dalade ïa ka ATM, hynrei katba u dang update ïa ka passbook, u la shem ba la shah sei tuh ka pisa kumba T. 99,995/- napoh ka Bank account jong u.
