Shillong, Jymmang 13: Ka khubor ba la ïoh na ki pulit la ïathuh ba u Darald Ethan Allya u la phah ka jingujor ba ha ka 11 tarik mynta u bnai hapdeng ka por 11 baje mynstep bad ha ka por 2.10 baje nohphai sngi, ki runar bym lah ban ithuh ki la prong hapoh ka ïing jong u kaba ha Mawlai Phudmuri, Shillong bad ki la tuh ki sohshkor da ka ksiar, ki sati silver, ki silver coin bad ka pisa kaba la kot haduh T. 1,09,500/-.
Shuh shuh ha kawei pat ka jingjia u Gagan Sharma u la phah ka jingujor ba ha ka 11 tarik mynta u bnai, u la ujor ba ki don ki runar bym lah ban ithuh ki la tuh ka scooter jong u kaba don u nombar ML-05X-8240, kaba la pynïeng harud surok kaba hajan ïing jong u kaba ha Rilbong Zigzag Road, Shillong.
