Jowai, Jymmang 13: U Deputy Commissioner ka West Jaiñtia Hills District u la pyntip ba katkum ka jingbtah na ka Sorkar ba ïa ka jingthoh Census 2027 jong ka House Listing hapoh ka District kan sdang noh naduh ka 16 tarik mynta u bnai (May) 2026 haduh ka 14 tarik u Jylliew (June) 2026. Ha shwa ïa kane ki nongshong shnong ki dei ban pyndep ïa ka jingpynrung kyrteng ïalade (Self- Enumeration) lyngba ka online haduh ka 15 tarik u May 2026 lyngba ka portal sorkar: https://se.census.gov.in.
La pynshlur ïa ki nongshong shnong ban ïashim bynta bha bad ban pynïoh ïa ki jingtip kiba biang ha ka por ban leh ïa ka Census sha ki ïing ki sem jong ki. Ki longïing kiba la pyndep ïa ka Self-Enumeration kin ïoh ïa ka Self-Enumeration ID (SEID) na ka bynta ban pynshisha ha ka por ba wan leh Census ki Enumerator sha ki ïing jong ki.
