Shillong, Jymmang 04: Ka khubor ba la ïoh na ki pulit la ïathuh ba u Nabendu Deb u la phah ka jingujor ba ha ka 29 tarik u bnai Ïaïong, ki runar bym lah ban ithuh ki la prong hapoh ka ïing jong u kaba ha Harisava, Shillong bad ki la tuh kawei ka mobile phone, artylli ki jingdeng ksiar kiba shongdor kumba T. 35,000/- bad ka pisa kumba T.. 9,000/-.
Ha kawei pat ka jingjia ki pulit ki la ïathuh ba u Mayudi Kontilal Faria ka Mugdha (cloth merchant), Thane Road, Maharashtra, u la phah ka jingujor ba ki don arngut ki briew, kiba kyrteng K Tadavand bad u Y Yadav ka M/s Krishna merchant, kiba leh ïa ki kam khaiï ha ïew Ladrymbai (EJH), ki la thok ïa u da ka pisa kaba la kot kumba T. 8,55,832/- da kaba ai daw ba kin phah ïa ki jaiñ sha u.
