Shillong, Nailur 01: Ka khubor ba la ïoh na ki pulit la ïathuh ba uwei u nongshong shnong ka Shillong u la phah ka jingujor ba ha ka 6 tarik jong u bnai Jymmang, 2024, u la die ïa ka kali Mahindra KUV kaba don u nombar ML-10B-4224 sha u Jeevan Thapa ha ka dor kumba T. 1.7 lak ha kaba une u Jeevan Thapa la kynnoh ba u la ai da ka bounced cheque ha ka kyrteng jong ka JT Auto-parts, Nongshilliang, Nongthymmai, Shillong. Kham hadien pat une u Jeevan Thapa u la ai biang sa kumba 2 tylli ki cheque kiba la phai biang.
Ha kawei pat ka jingjia ki pulit ki la ïathuh ba u Bah Nelson Jyrwa u la phah ka jingujor ba ha ka 26 tarik u Nailar, ki runar bym lah ban ithuh ki la prong hapoh ka ïing jong u kaba ha Mawlai Mawdatbaki, Nongpathaw, Shillong bad ki la tuh ka pisa kumba T. 10,000/-.
Shuh shuh ha kawei pat ka jingjia ki pulit ki la ïathuh ba u Pauuankhub Thomte u la phah ka jingujor ba ha ka 26 tarik u Nailar, ki runar bym lah ban ithuh ki la prong hapoh ka jaka sah jong u kaba ha Nongmensong, Shillong bad ki la tuh ïa kawei ka laptop kaba shong dor kumba T. 55,000/- hajar.
