Shillong, Naitung 30: Ka khubor ba la ïoh na ki pulit la ïathuh ba uwei u nongshong shnong ka nongbah Shillong u la phah ka jingujor ba ha ka 12 tarik mynta u bnai ha ka por kumba 7.52 baje mynmied bad ha ka por 8.20 baje mynmied ki la don artylli ki jingshah sei pisa thok kawei kadei T. 7,734.46/- bad T. 6,458.01/- napoh Bank account jong u, khlem ka jingtip jong u.
Ha kawei pat ka jingjia ki pulit ki la ïathuh ba u Niroj Mohanty jong ka Hotel Polo Tower, Shillong u la phah ka jingujor ba ha ka 25 tarik mynta u bnai, ki runar bym lah ban ithuh ki la tuh ïa ki copper pipe kiba la pyndait hapoh ki air conditioner bathymmai.
Shuh shuh ki pulit ki la ïathuh ba u Pinak Kanti Das u la phah ka jingujor ba ha ka 26 tarik mynta u bnai, ki runar bym lah ban ithuh ki la tuh ïa ki cable kiba shongdor kumba T. 49,000/- napoh ka BSNL Exchange kaba ha IGP Point, Shillong.
Ha kawei pat ka jingjia ki pulit ki la ïathuh ba ka Alolika Chakrabarty ka la phah ka jingujor ba ha ka 26 tarik mynta u bnai ki runar bym lah ban ithuh, ki la prong hapoh ka ïing jong ka kaba ha Nongrim Hills, Shillong bad ki la tuh ka ksiar kaba shongdor T. 3 lak bad ka pisa T. 15,000/- hajar.
