Shillong, Jymmang 21: Uwei na ki nongshong shnong jong ka nongbah Shillong u la phah ka jingujor ba ha ka 18 tarik mynta u bnai uwei uba la kyrteng u Saurav bad kiwei pat ki 3 ngut ki la thok ïa u ka pisa kumba T. 60,000/- da ka jingkular ban pynïoh kam ïa u ha hotel kaba ha jylla Assam.
Shuh shuh ha kawei pat ka jingjia u Raju Sarkar da ka ktien u la ïathuh ba ha ka 18 tarik mynta u bnai ha ka por 3 baje nohphai sngi, ki runar bym lah ban ithuh ki la tuh ïa ka scooter jong u kaba don u nombar ML-05S-4262 na Upper Demseiñïong, Shillong.
Shuh shuh u Bah A Lyngdoh u la phah ka jingujor ba ha ka 16 tarik mynta u bnai ki runar bym lah ban ithuh ki la tuh ïa ka thuk thuk jong u kaba don u nombar ML-05U-9232 na jan Umïam Lake (RB).
