Jowai, Nailar 21: Kawei ka kali Mahindra Scorpio kaba don ïa u Registration No: ML-01 6416 kala shah thang ha ki riew dusmon kaba la jia ha Mookynphad Mihmyntdu West Jaiñtia Hills District haka por mynstep jong ka 21 tarik u Nailar 2026.
Ki runar kila thang ïa katei ka lali kaba dang pynïeng da ka jingsuba ba ka dei ka kali sorkar kaba don ïa u Registration No ML-01, katkum ka tyllong khubor la ïathuh ïa katei ka kali la dep ban lilam bad la pyndonkam da u ma S. Sari uba dei u MDC barim ka JHADC. Naduh bala thied ïa katei ka kali ïa u Registration No jong ka ym pat shem la dep pynkylla.
Hadien ba ki paidbah kila ïohi ïa kane ka ding kaba la klang sha ki bynta ba shakhmat jong ka kali kila pyntip mar mar sha ki pulit pynlip ding kiba la wan poi ha katei ka jaka ban pynlip noh ïa ka.
Kane ka jingthang ïa ki kali sorkar ka la sdang naduh ka sngi ba pynlong jingïakhih jong ka seng KSU ha Nongbah Shillong ha ka 19 tarik, shi bynta na ki 5 tylli ki mat jingdawa ban pyntreikam na ka sorkar.
