Shillong, Lber 25: Ka khubor ba la ïoh na ki pulit la ïathuh ba u Vijay Baruah u la phah ka jingujor ba ha ka 19 tarik mynta u bnai, ki runar bym lah ban ithuh ki la pyrshang ban tuh napoh ka ïing jong u kaba ha Laban, Shillong.
Shuh shuh ki pulit ki la ïathuh ba u Demonstrator, Soil & Water Conservation (SWKH) u la phah ka jingujor ba ha ka 17 tarik mynta u bnai ha ka por 2.30 baje nohphai sngi ki runar bym lah ban ithuh ki la thang ïa ka jaka thung jingthung kaba ha Mawthlong Centre, Rohbah (SWKH). Ha kane ka jingjia la ong ba baroh kawei ka jaka thung jingthung ka la julor bad ka jingduh ki jingdon jingem ka la kot sha ka T. 7 lak.
Ha kawei pat ka jingjia ki pulit ki la ïathuh ba u Asst. Engineer, PWD (Roads), Nonghyllam Sub-Division u la phah ka jingujor ba ha ka 15 tarik mynta u bnai, ki runar bym lah ban ithuh ki la thang ïa ka SPT Bridge No. 7/1 ha Maheshkhola-Derrenggri Road (SWKH).
