Shah ktah kti uwei u briew ha Fourth Furlong

Shillong, K’ Lyngkot 21: Ka khubor ba la ïoh na ki pulit la ïathuh ba ha ka 17 tarik mynta u bnai, ha ka jingkhynra hapoh ka shnong Umkaber ki la lah ban khan kdong ïa kawei ka ka kali tourist kaba don u nombar ML-05A-T/C 0008 (A) ba la niah da u Romeo Nongtnger ha ryngkat lang bad ki 5 ngut ki nong Bangladeshi kiba la ithuh kyrteng da Sujan Ali Md Jhahidur Islam, Solemon Uddin, Subel Mia bad Hriday Hussain.
Ha kawei pat ka jingjia ki pulit ki la ïathuh ba ha ka 17 tarik mynta u bnai ha ka por kumba 11 baje janmied, kumba 6 ngut ki runar ki la ktah kti ïa u Ratna Deep Das ba la 25 snem ka rta ha Fourth Furlong, Polo, Shillong. Ha kaba ïadei bad kane ka jingjia utei u lanot u la mynsaw bad la pynkit noh sha CH Shillong.