Shillong, Rymphang 24: Ka Pasteur Beat House Special Party ha ka sngi Nyngkong ki la ïohbat ïa arngut ki briew kiba la ithuh da u Navin Sunar ba la 42 snem ka rta na Laban najan St. John bad u Sanju Sunar ba la 38 snem ka rta ka Barapathar, ha ka thaiñ Polo bad ki la kurup na ki ïa ki laptop ba la shah tuh.
Ki la kubur ba ki prong hapoh kawei ka ïing kaba hajan ka skul BK Bajoria, ha kaba ki la tuh ïa ki artylli ki laptop ha ryngkat bad kiwei ki tiar, ong ki pulit.
Napdeng ki tiar kiba la kurup ki dei ka Kingdom of Bhutan Passport kaba dei jong u Jigyel Gyeltshen, ong ki pulit. Ïa kane ka case la register ha Laitumkhrah police station.
