Shillong, Jymmang 13 : Ki shipai BSF jong ka 110 Bn BSF Meghalaya ha ka sngi Palei ki la ïoh kem ar ngut ki nong Bangladesh kiba prong tuh shapoh u pud u sam jong ka ri India lyngba ka thaiñ khappud kiba don ha Meghalaya da ka jingthmu ban wan lute bad ban tuh wan thiem.
Kine ki ar ngut kiba la shah kem ki kynthup ïa u Islam Uddin bad u Fazer Ali kiba na Companiganj, Bangladesh kiba la donkti ban tuh ïa ki tiar ki tar ha ka jingtei ïa ki jingker sainar ha khappud bad ki don ruh ïa ka jingthmu ban lute ha ki shnong ki thaw kiba don ha khappud.
Ïa kine ki ar ngut ryngkat bad ki tiar ki tar ba ki la pyndonkam ban tuh la aiti noh sha ki Pulit jong ka Bholaganj PS ba kin leh ïa kaba donkam bad ha kajuh ka por ka por la ujor da ka ejahar pyrshah ïa ki.
Ki shipai BSF ha Meghalaya ki la ïohkem haduh 27 ngut ki nong Bangladesh naduh u bnai Kyllalyngkot kiba la wan rung tuh shapoh khappud jong ka ri India.
