Shillong, Rymphang 9 : Ki pulit jongka East Khasi Hills District ki la ïoh kem mynta ka Sngi U Blei ïa san ngut ki briew na Mawsynram bad ïoh ruh ban kurup kawei ka pistol ba la shna ha Russia na ka met jongki.
Kine ki san ngut ki dei u Aidonsing Nongsiej (40), Orally Khardewsaw (33), Wanrilang Nongkynrih (33), Mossingstar Nongbri (28) bad Pynshailang Puwein (30), ïathuh ki pulit.
ïa kine ki san ngut la kem da ka Special Cell bad SOT lem bad ki ophisar na ka Mawsynram Police Station katba dang talasi ïa ki kali kiba ïaid ba ïeng ha surok Mawsynram.
Ki pulit ki la ïoh ban kurup kawei ka pistol ba la shna ha Russia bad saw tylli ki kuli, hynriew tylli ki mobile phone, kawei ka Pan Card, kawei ka ID Card jongka National Hynniewtrep People bad kawei ka ID Card jongka Ministry of Defence. Ka jingtohkit ïa ki ka dang ïaid shakhmat.
