Shillong, Kyllalyngkot 8 : U Samla JUO Aiborlang Kharjana uba na Lawsohtun, East Khasi Hills bad uba pule ha St. Anthonys’ College Shillong, uba long ruh u NCC u la shah jied ban mihkhmat ïa kane ka thaiñ shatei lam mihngi ne na ka North East Region Directorate ban ïadon bynta ha ka All Indïa Guard of Honour ha ka Republic Day 2024 ha nongbah Delhi.
Une u samla u la pynpaw ba ka jingrung jongu sha ka NCC ka la wnarah ka jingpynkylla ha ka jingim jongu. Ka la ïarap ïa u ban long kum u nongïalam uba tbit, ka ïarap ruh ïa u ban don ka akor ka burom bad dei ruh lyngba ka NCC ba u la long kumne kumba u long mynta ban ïoh ka jingithuh bad shah jied na kane ka thaiñ shatei lam mihngi ban don ha ka All Indïa Guard of Honour ha ka Republic Day 2024. Kane ka jingshah jied bad ïoh jingithuh jong une u samla ka wanrah ka jingsngew sarong ym tang ïa ka jylla hynrei wat ïa kane ka thainhi baroh kawei.
