Shah jied u President ka MCA ban ïalam ïa ka kynhun ha ka Western Asia Youth Chess C’ship 2025

SHILLONG, ïaïong 20: Ka Meghalaya Chess Association [M.C.A] ka sngew sarong ban pynbna ba u Bah K. M. Warjri, President ka M.C.A uba dei ruh ha kajuh ka por u Chairman ka North-East Development Committee, u la shah jied shipor kum u Khlieh jong ki dkhot lane Head of the Delegation jong ka kynhun ïalehkai jong ka Ri India ka ban ïashim bynta ha ka “Western Asia Youth Chess Championship 2025” ka ban sa long ha ka 29 tarik ïaïong 2025 ha Dushanbe, Tajikistan.
Na ka liang jong ka Meghalaya Chess Association [M.C.A] ka kitbok kitrwiang ïa u Bah Warjri ba u lah ban ïalam ïa ka kynhun ha katei ka lympung shabar ri.