Jowai, Ïaïong 19: Ka Young lad’s CC kala jop da 14 runs ïa ka Khliehtryshi SC ha ka jingïalehkai ba khathynniew (17) jong ka lympung District Cricket League 2025 bala pynïaid daka West Jaiñtia Hills District Cricket Association [WJHDCA] ha ka sngi Saitjaiñ (19 tarik ïaïong, 2025) ha Mini Stadium, Khliehtyrshi.
Ka jingïalehkai ha katei ka sngi ka la long hapdeng ka Young lad’s CC pyrshah ïa ka Khliehtryshi SC. Ïa ka jingkynting pisa (toss) la jop da Khliehtryshi SC kaba la kam trai ban kawang bol shuwa. Na ka liang jong ka Young lad’s CC haba wan ban tied nyngkong kala ïoh lad ban kynjoh 135 ron na ki 26.1 ober na ka daw ba wan pynthut u slap bad kala duh 8 wiket. U Heyoomiki Ryngkhlem jong ka Yound Lad’s CC u la lehkai bha da kaba kamai 37 ron marwei na ki 42 bol.
Na ka daw ka jingpynthut u slap ïa ka thong (target) la hap ban pynduna sha ka 69 ron na ki 13 ober. Ka Khliehtryshi SC haba wan ban beh ïa ka thong ka la lah ban tied tang haduh 54 ron na ki 13 ober bad khyllem 6 wiket, bad kane ka la pynlong ïaka Young Lad’s CC ban jop da 14 ron. U Heyoomiki Ryngkhlem jong ka Yound Lad’s CC u la ïoh ïa ka nam Man of the Match.
Ka jingïalehkai mynta ka sngi nyngkong (21/04/2025) kan long hapdeng ka Phramer CC pyrshah ïaka Moodymmai SC naduh ka por 9 baje mynstep.
